Volume : 10, Issue : 4, APR 2024
RAAJNEETIK DHARATAL PAR MAHAMANA PANDIT DEENADAYAL UPADHYAY KE EKATMAVADI MANAV DARSHAN KEE PRASANGIKTA
MOTI LAL NARAYAN LAL
Abstract
shree dattopant thegadee ke shabdon mein, ‘ekaatm maanavavaad ka darshan is yug ko pan0 jee kee shreshthatam den hai ." haalaanki is chintan dhaara mein praacheen bhaarateey sanskrti ke tatv ka pravaah spasht hota hai, phir bhee pan0 jee kee drshti bhavishy par kendrit hai . pandit jee ne aadhunik vaishvik chunautiyon ke samaksh poonjeevaad evan samaajavaad ke vikalp ke roop mein ekaatm maanav darshan ke roop mein ek naya maarg dikhaaya hai . ekaatm maanav darshan vyakti ke jeevan va usake sabhee ango ka samagr vichaar darshan hai . manushy praanee shareer, man, buddhi aur aatma ka sankalit roop hai . isalie maanav ka sarvaangeen vichaar usake shareer, man, buddhi aur aatma, sabaka sankalit vichaar hai . vyaktitv ke in chaaron pakshon kee samuchit aavashyakataon ko poora karane, unakee vividh maangon aur ichchha-aakaankshaon ko poorn karane tatha unake samagr vikaas ke lie bhaarateey sanskrti ne chaar purushaartho ka aadarsh rakha hai . manushy ke samagr vikaas mein usakee bhautik unnati aur naitik evan adhyaatmik unnati bhee sambhav hai . jisase samaaj kee suyogy dhaarana ho sake . pandit jee ne isakee aavashyakata par bolate hue kaha hai ki, “ekaatm maanavavaad yah shabd aur kalpana is samay prastut karane ko aavashyakata kyon prateet huee? vishesh roop se us samay, jabaki aaj pashchim kee or se kaee vaad ya vichaar apane desh mein aa rahe hain . anek vyaktiyon ka kahana hai ki, yadi hamaaree samasyaon ka hal pashchimee vaadon ya vichaaradhaaraon se ho sakata hai, to ham apane mastishk ko takaleeph kyon den? yah pashchim kee vichaaradhaara hai keval isalie isako tyaajy samajha jae yah bhee theek nahin . aisee sthiti mein hamaare lie yah uchit hoga ki ham pashchim ke vaichaarik manch par jo naatak pichhale teen-chaar sau varshon mein hue hain unaka sankshep mein avalokan karen ." ekaatm maanavavaad ka saar, mein pan0 jee kahate hain ki, “hamaaree sampoorn vyavastha ka kendr maanav hona chaahie . jo yat pinde tat brahmaande ke anusaar ho . is prakaar unake mat mein raajaneetik dharaatal par ekaatm maanavavaad kee pratishthaapana na keval naitik, aadhyaatmik aur saanskrtik hai varan praasangik bhee hai .
Keywords
raajneetik, dharaatal, pandit deenadayaal upaadhyaay, ekaatmavaadee darshan, maanav darshan, naitik, aadhyaatmik, saanskrtik.
Cite This Article
-
Article No : 18
Number of Downloads : 369
References
1. Pandit Deendayal Upadhyap, The correct idea of nationalism, Ekatmanav Darshan, Suruchi Prakashan, Delhi, 1991.
2. B.M. Sharma. Ram Krishnadutt Sharma, Savita Sharma, Indian Political Thinkers, Rawat Publications Jaipur and Delhi, 2005.
3. Dr. Madan Lal Verma ‘Krant’, History of Revolutionary Literature of Freedom Struggle, 2006, Praveen Prakashan, New Delhi, Part-3.
4. Deendayal Upadhyay, Ekatmanav Vaad, Deendayal Upadhyay Publications, MLA Niwas, Lucknow, 2011.
5. Dr. Prayag Narayan Tripathi, Similarity in the philosophy of life of Mahatma Gandhi and Pandit Deendayal Upadhyay, Lokhit Prakashan, Sanskriti Bhawan, Rajendra Nagar Lucknow, 2013.
6. Vishwanath Narayan Deoghar, Pandit Deendayal Upadhyay Vichar Darshan, Volume-7, Individual Darshan, Suruchi Prakashan, New Delhi, 2014.
7. Chandrashekhar Parmanand Bhishikar, Pandit Deendayal Upadhyay, Vichar Darshan, Volume-5, Concept of Nation, Suruchi Prakashan, Keshav Kunj Jhandwala, New Delhi 2014.
8. Dattomant Thengadi, Tatvajigyasa, Pandit Deendayal Upadhyay Vichar Darshan, Volume-1, Suruchi Prakashan, Keshav Kunj, Jhandewala New Delhi 2016.
9. Dr. Mahesh Chandra Sharma, Deendayal Upadhyay, Duties and Thoughts, Prabhat Prakashan, Delhi, 2018.
