ALAUDDIN KHILJI KE BAJAR VYAVASTHA AAJ KE SANDARBH MEIN PRASANGIKTA : EK ADHYAYAN

Aalauddeen Khilajee (1296–1316 ee.) dillee saltanat ke sabase shaktishaalee evan dooradarshee shaasakon mein se ek tha, jisane prashaasanik, aarthik tatha saamaajik vyavastha mein ullekhaneey sudhaar kie. in sudhaaron mein baajaar niyantran vyavastha usakee sabase badee upalabdhi maanee jaatee hai. yah vyavastha keval aarthik sudhaar nahin thee, balki yah raajyasatta kee majabootee, baaharee aakramanon se raksha, sainik poshan, khaady-suraksha tatha samaaj mein samaanata sthaapit karane ka bahuaayaamee prayaas tha. khilajee ka uddeshy janasaamaany par bojh ko kam karana, aavashyak vastuon kee keematon ko niyantrit rakhana, jamaakhoree ko rokana, vyaapaariyon–baniyon par ankush lagaana, aur sena ke lie saste raashan kee upalabdhata sunishchit karana tha. Khilajee kee baajaar vyavastha ka vistrt adhyayan prastut karata hai, jisamen mooly nirdhaaran, munaaphaakhoree niyantran, anaaj neeti, parivahan nigaraanee, kiraaya vyavastha, maap–taul kee ekaroopata, jaasoosee tantr, tatha dand vyavastha jaise sabhee pahaluon kee vivechana kee gaee hai. saath hee, is shodh mein yah bhee vishleshan kiya gaya hai ki aadhunik bhaarat kee aarthik neetiyon–jaise mooly-niyantran, kaalaabaajaaree-virodhee kaanoon, upabhokta adhikaar, aavashyak vastu adhiniyam, saarvajanik vitaran pranaalee (pds), baajaar nigaraanee tantr tatha bhrashtaachaar–rodhee vyavastha–mein khilajee ke baajaar prabandhan kee praasangikata kis seema tak dikhaee detee hai. aaj jab vaishvik arthavyavastha mein baazaar svatantrata, mooly utaar-chadhaav, krshi sankat, khaady asamaanata, mahangaee, kaalaabaajaaree, upabhokta shoshan aur aarthik asthirata jaisee chunautiyaan maujood hain, tab khilajee kee neetiyaan punah adhyayan yogy prateet hotee hain. aadhunik raajy bhee mooly sthireekaran, saarvajanik vitaran pranaalee, onalain nigaraanee, gunavatta niyantran, baajaar viniyaman, aur aavashyak vastuon kee aapoorti sunishchit karane ke lie krtrim buddhimatta, deta enaalitiks aur kaanoonee tantr ka upayog kar raha hai– jo khilajee ke yug kee neetiyon se prerit prateet hota hai. aitihaasik paddhati, tulanaatmak vishleshan, praathamik–dviteeyak sroton ke adhyayan aur neeti–sameeksha ke aadhaar par yah siddh karata hai ki alauddeen khilajee ka baajaar niyantran modal na keval apane samay mein prabhaavee tha, balki aaj bhee prashaasanik adhyayan, saarvajanik neeti tatha bhaarateey aarthik dhaanche ke lie mahatvapoorn sandarbh prastut karata hai.