Volume : 11, Issue : 3, MAR 2025

BHARAT SE VIKSIT BHARAT: GRAMIN MAHILAON KE LIYE SWAROJGAR EVAM KAUSHAL VIKAAS

DR. PRIYANKA JAIN

Abstract

mahilaon ko sashakt evan majboot banane tatha samaj mein samanta pradaan karane ke uddeshy se mahila sashaktikaran kya hai tatha svarojagaar evan kaushal vikaas ka unake lie kya mahatv hai, is prakriya mein aane vaalee chunautiyaan kya hai, mahilaon ko sashakt banaane kee rananeetiyaan kya-kya ho sakatee hai tatha is kshetr mein dakshinee raajasthaan mein kya-kya kaary pramukh roop se hue hain yah is aalekh ke pramukh uddeshy hai.
jab mahila sashakt banane to vah apne parivaar samuday aur raashtr ke samagr vikaas mein mahatvapoorn yogadaan de sakatee hai atah vibhinn jeevikopaarjan sambandhee kaushalon mein prashikshit karake svarojagaar kee aur agrasar karana vikasit bhaarat kee mahatee aavashyakata hai isee sandarbh mein kaushal vikaas evan svarojagaar ek mahatvapoorn upakaran evan rananeeti ke roop mein prastut kiya ja sakata hai.
bhartiya gramin mahilaon ko apne parivesh ke sandarbh mein ka saamaajik, aarthik aur raajaneetik chunautiyon ka bhee saamana karana padata hai isase shiksha, svaasthy tatha rojagaar tak unakee pahunch hona badee chunautiyaan hotee hai. kaushal vikaas aur udyamita ke avasar pradaan karake mahilaon ko aarthik, maanasik evan saamaajik roop se svatantr banaakar samaaj mein adhik sakriy bhoomika nibha sakane mein mahatvapoorn yogadaan diya ja sakata hai.
isee kram mein bhaarat sarakaar evan nijee kshetr ke sanyukt sansthaan kamyoonitee sentar evan janata kolej dvaara graameen mahilaon evan yuvaon ke sashaktikaran ke lie samay sthaan paristhitiyon ke sandarbh mein kaee neetigat sudhaar evan kaaryakramon ko athak prayaas se praarambh kiya gaya jisamen shiksha evan svaasthy sambandhee kaaryakramon evan prashikshanon tak mahilaon kee pahunch evan sudhaar ke saath-saath mahilaon ke lie udyamasheelata ke avasaron ko badhaava dene evan laingik samaanata ko badhaava dene ke lie khole gae silaee prashikshan shivir, mahila kaseedaakaaree prashikshan, graameen dastakaaree yojana, janajaati krshi vidyaalay, resham dhaaga kataee, resham vastr bunaee, resham vastr chhapaee, shahatoot kee khetee, pattal-dona nirmaan ityaadi kaaryakram/ prashikshan pradaan kar mahila sashaktikaran ko badhaava diya gaya. in mahatvapoorn kaaryakramon, gatividhiyon evan yojanaon ka sanchaalan pandit janaardan raay naagar dvaara kiya gaya. pan. naagar dakshin raajasthaan ke mahaan shikshaavid, saamaajik kaaryakarta evan mahilaon ke roopaantarakaaree vyaktitv ke roop mein ubhare hain. unake udyamasheel navaachaaron ko aaj bhee unake dvaara sthaapit sansthaon dvaara anavarat roop se sanchaalit kar mahilaon ke sashaktikaran mein mahatee bhoomika ka nirvahan kiya ja raha hai.
gramin mahilaon ke liye swarojgar aur kaushal vikas na keval unakee aarthik sthiti ko unnat karane ka ek saadhan hai, balki yah samaaj mein unakee sthiti ko bhee majaboot karata hai. jab mahilaen sashakt hotee hai to poora samaaj sashakt hota hai. isalie bhaarat ko vikasit banaane ke is yaatra mein mahilaon kee sahabhaagita sunishchit karana atyant mahatvapoorn hai. unake lie svarojagaar aur kaushal vikaas ke avasaron ka vistaar karana hee uchit drshti mein "bhaarat se vikasit evan aatmanirbhar bhaarat" kee disha mein ek sashakt kadam hoga.

Article : Download PDF

Cite This Article

-

Article No : 10

Number of Downloads : 296

References

1. Chandra, Dr. Tulika, Skill Development and Women Empowerment, M.K.P. (PG) College, Dehradun
2. Nagar, Pt. Janardanarai, Indian National Education Plan, 1983
3. Rajasthan Literary Presentation- Manishi Pt. Janardanarai Nagar, Raj. Sahitya Akademi, 1997
4. Madhumati, Raj. Sahitya Akademi, Udaipur, March 1998
5. Rajasthan Vidyapeeth Kul – An Introduction, Udaipur, 1998
6. Manishi Pt. Janardanarai Nagar: Personality and creativity, Smriti Granth, 2006
7. Research Magazine, Year 60, Issue 1-4, Sahitya Sansthan, Raj. Vidyapeeth, Udaipur, Jan.-Dec. 2009
8. Manishi Pt. Janardanarai Nagar: Centenary Remembrance (1911-2011), 2012
9. Garg, Bhavani Shankar, The growing phase of mass education (1937-1985), Raj. Vidyapeeth, Udaipur
10. https://nsfdc.nic.in
11. https://hindi.indiaawaterportal.org