Volume : 10, Issue : 4, APR 2024
BHARTIYA SAMAJ MEIN CINEMA AUR MAHILAYEN : EK VISHLESHANATMAK ADHYAYAN
RAJENDRA VERMA
Abstract
san 1930 ke dashak mein apane astitv kee sthaapana karane ke pashchaat bhaarateey sinema udyog ne dashakon tak pradarshan karate hue desh ke manoranjan mein sabase lokapriy sroton mein se ek kee khyaati ko praapt kiya . sinemaagharon mein badee sankhya mein jan maanas ke aane aur blokabastar philmon ke saphal hone kee uparaant bhee samay samay par rileej hone vaalee adhikaansh philmon mein kuchh na kuchh samaanata hotee hai jinako yadi dekha jae to purushon ko aise paatr ke roop mein chitrit kiya jaata hai jisake dvaara samaaj mein unake purushatv kee abhivyakti spasht drshtigochar hotee hai . isake vipareet mahilaon kee bhoomika hamesha ek daayare mein dikhaee detee hai . parinaamasvaroop on skreen aur oph skreen donon asamaanata ne mahilaon ko ek haashie par rakh diya hai . jan maanas ke dvaara sabase lokapriy srot ke roop mein pahachaana jaane vaala sinema jagat bhale hee yug kee parivartanasheelata ko kitanee hee tejee se apana raha ho lekin usake baad bhee bhaarateey sinema jagat mein mahilaen kaheen na kaheen aaj bhee vibhinn roodheevaaditaon ka shikaar dikhaee detee hain . mukhy roop se bhaarateey sinema mein mahilaon ke prem roop ko atyadhik drshtigochar kiya jaata hai . jisake kaaran usake saumy svaroop kee vyaakhya hee kee gaee hai . samaaj mein aaj bhee mahilaon kee bhoomika jas kee tas hai . unhen aaj bhee samaaj mein kamajor, laachaar, abala, asahaay aur daya ka paatr samajha jaata hai . unhen anek prakaar ke shoshan sahan karane padate hain . anek prakaar ke mithya bhram ke madhy inako ghera jaata hai . yadyapi bhaarateey mahila apane praacheen kaal se hee adamy shakti ka punj rahee hai . atah bhaarateey samaaj mein mahilaon ne apane har kadam par shakti ka paracham phaharaaya hai . unhonne apane jeevan mein nae pratimaan sthaapit kie hain, nae aayaam unhen praapt hue hain . lekin phir bhee bhaarateey samaaj aur sinema mein mahilaon ke vibhinn roop dekhane ko milate hain . aaj bhee mahila ka paashchaaty bimb bhaarateey bimb par haavee dikhaee deta hai . yadi sinema ne mahila shakti ko aakaash ka sparsh karaaya hai to paashchaaty sanskrti ke andhaanukaran ne usako jeevan moolyon se bhee viheen kar diya hai . bhaarateey sinema mein mahilaon ka saundary pradarshan, ang pradarshan, apane pratyek abhinay ke lie dhan kee oonchee maang, pratispardha aadi vibhinn prakaar ke prapanch dekhane ko milate hain . jisane bhaarateey samaaj mein mahilaon kee bhoomika ko vibhinn drshtiyaan pradaan kee hain . usake in vividh roopon kee jhalakiyaan hee is aalekh ke dvaara prastut kee ja rahee hain .
Keywords
bhaarateey samaaj, sinema, mahilaen, vishleshan, adhyayan, mooly, pashchim, aadhunik.
Cite This Article
-
Article No : 12
Number of Downloads : 333
References
1. Dwivedi, Ram Prakash, Electronic Media and Cinema, Relevant Publishers and Distributors, First Edition-2013.
2. Desai, Neera/Thakkar, Usha, Women in Indian Society, National Book Trust India, First Edition-2009.
3. Sagar, Shailendra Gupt, Rajni, Azad Aurat Kitni Azad, Samayik Prakashan, First Edition-2008.
4. Arora, Dr. Harish, Medium of Mass Communication, Yuva Sahitya Chetna Mandal, First Edition-2007.
5. Singh, M.K., Indian Women-Changing Perspective, Sahitya Sanchay, Delhi, First Edition-2002.
6. Pachauri, Sudhish, Discourse on the Female Body, Atmaram and Sons, First Edition-2000, Delhi.
7. Rajkishore, Attack of obscenity, Vani Prakashan, first edition-1998.
8. Chaturvedi, Jagdishwar, Mass Media and Mass Culture, Saransh Publishers, First Edition-1996.
