HINDI SAHITYA MEIN STREE VIMARSH TATHA VARTMAN PARIDRISHYA

stree vimarsh us saahityik aandolan ko kaha jaata hai jisame stree asmita ko kendr mein rakhakar sangathit roop se stree saahity kee rachana kee gaee . hindee saahity me stree vimarsh any asmitaamoolak vimarsho ke bhaanti hee mukhy vimarsh raha hai jo ki ling vimarsh par aadhaarit hai . stree vimarsh ko angrejee mein pheminijm kaha gaya hai . stree sashaktikaran ke is mein bhaarateey naaree vishayak drshti kee praasangikata ab poore vishv mein siddh ho rahee hai . naaree ab abala , paraashrita sukomala nahee rahee . bade - bade sangharshon chunautiyon aur sankaton me usakee rachanaatmata tatha shakti - roop chhavi ab vishesh roop se ujaagar hone lagee hai . vah daya kshama sneh vaatsaly tatha mahatv kee pratimoorti to hai hee parivaar samaaj tatha raashtr ke nirmaan aur vikaas me bhee har prakaar se sakriy evan samaahit dikhane lagee hai . vah daya kshama sneh , vaatsaly tatha mahatv kee pratimoorti to hai hee , parivaar samaaj tatha raashtr ke nirmaan aur vikaas mein bhee har prakaar se sakriy ev samaahit dikhane lagee hai . vaha vrddha aur sammaan kee adhikaarinee to sada se rahee hai , parantu vah karmasheel , kaushalamukt tatha adhikaar sampann chhavi ke saath apanee naee bhoomika mein rahee hai . praacheen yug me naaree ke avidya maaya roop agrasar ho kee sveekrti nahee huee thee kintu vidha maaya roop sadai stuty ev vedaneey rahee hai . aaj vidhi ke kshetr me injeeniyaring ke kshetr mein chikitsa ke kshetr mein evan yuddh ke kshetr me bakshat - vigyaan ya any raksha vaigyaanik takaneekee kshetron mein kisee se peechhe nahin . bhaarat ne praudyogikee ke kshetr mein stree shakti aur saamarthy ko bhalee prakaar ujaagar kiya hai .