NAVEEN VAISHVIK PARIDRSHY KE MADHY BHARATEY VIDESH NEETI : EK VISHLESHANATMAK ADHYAYAN

kisee bhee desh kee videsh neeti vishisht aantarik va baahy vaataavaran ke svaroop dvaara kaaphee had tak nirdhaarit kee jaatee hai . isake atirikt usakee aitihaasik viraasat ya dharohar, vyaktitv vichaaradhaaraen, vibhinn sanrachanaon aadi ka prabhaav bhee us par spasht roop se parilakshit hota hai. vaise videsh neeti raashtreey hiton, adhikaaron, moolyon, siddhaanton evan uddeshyon ka ek jod hai . pratyek desh, any deshon ke saath apane sambandhon ko sanchaalit karane hetu unaka pratipaadan karata hai . unhen antarraashtreey parivesh (vaataavaran) ke anuroop dhaalane ka prayaas karata hai taaki vah any deshon ke vyavahaar mein aamachool parivartan la sake, use prabhaavit kar apane neetigat uddeshyon ko praapt kar sake. vaise videsh neeti ke nirmaan evan sanchaalan mein vividh nirdhaarak tatvon, sansthaon, pranaaliyon evan vyaktigat kaarakon kee aham bhoomika rahatee hai . vaise videsh neeti ek gaharee prakriya hai . isamen neetikaar ya kootaneetikaar vibhinn saadhanon ke maadhyam se pratyek desh apane raashtreey hiton kee rakshaarth karane ke lie apane-apane star par sahaanubhootipoorn ravaiya apanaane hetu prayaasarat dikhaee dete hai . bhaarat kee videsh neeti any deshon kee videsh neetiyon kee tarah raashtreey hiton, adhikaaron, ek-dusare ke prati prem-bhaav, sauhaard, saamaajik evan aitihaasik prshthabhoomi bhaugolik paristhitiyon evan maujooda antarraashtreey paristhitiyon dvaara nirdhaarit huee hai, lekin videsh neeti ko prabhaavit karane vaale kaarak (tattv) bhinn-bhinn ho sakate hai . aisa hona svaabhaavik hai kyonki pratyek desh ka apana ek vishisht itihaas, khaan-paan, veshabhoosha, parivesh evan sanskrti hotee hai, jo videsh neeti ke nirmaan ko prabhaavit karatee hai . bhaarateey paridrshy par yadi vichaar kiya jae to bhaarat kee svatantrata se lekar ab tak vishv mein vividh parivartan aa chuke hain . is dauraan amerika aur soviyat sangh ke dvidhruveey vishv se lekar amerikee aadhipaty ke ek sankshipt ekadhruveey kaal tak aur ab cheen evan sanyukt raajy amerika ke dvidhruveey pratiyogita kee or aage badhane se lekar bahudhruveeyata ke ek bhram tak vishv ne kaee svarup dekhe hain . aaj ke is vishrnkhal vishv mein bhaarat ko apanee vishisht videsh neeti pahachaan ko paribhaashit karane aur naitik moolyon ke saath raashtreey hit ko santulit karane ke liye apanee sanlagnata kee rooparekha ko aakaar dene kee chunautee ka saamana karana pad raha hai . atah naveen vaishvik paridrshy ke madhy bhaarateey videshaneeti vibhinn chunautiyon ka saamana karane ke lie tatpar hain .