RAAJNEETIK DHARATAL PAR KARL MARKS KE VICHARON KA CHINTAN : EK VISHESH

sampoorn raajaneetik chintan kee satat vichaaradhaaraayen ek avadhi tatha ek nishchit vaataavaran tak apane prabhaav ko is jaivik vishv mein kaayam rakhakar apane mahatv tatha prabhaav ko sadaiv hee darshaatee rahee hain . raajaneetik chintan ke roop mein kaarl maarks ko vaigyaanik samaajavaad, tatha nav-maanavavaad ke vyaakhyaakaar ke roop mein jaana jaata hai . maarks ne raajaneetik dharaatal par avasthit hokar vaigyaanik tareeke se samaajavaadee vyaakhya kee, jisane poore vishv mein halachal macha dee. yah kaha ja sakata hai ki jitana maarks ke vichaaron ne saamaajik, aarthik evan raajaneetik kshetr ko prabhaavit kiya, utana any kisee daarshanik ke vichaaron ne nahin kiya hoga . maarksavaad daarshanik hone ke saath-saath vyavahaarik bhee rahe hai . yah poonjeevaadee shoshan ko samaapt karane ke lie shramikon ke samaksh bhee ek vishleshanaatmak paddhati ke saath ubhare hai . maarks ek pragatisheel raajaneetik daarshanik rahe hain jisane samaaj vyavastha ke antargat anyaay kee jaden khojane tatha usake sakriy pratikaar par bal diya hai . yadi vishv star par maarks ek naee vichaaradhaara ka sootrapaat karate hain, to isamen koee sanshay nahin . bhaarateey star par ve vaamapanthee raajaneeti ka darshan prastut karate hain, maarks ke darshan ko bhaarateeyon ke sammukh rakhane ke poorv em.en. raay ne jo usamen maanavata ko pravesh karaaya hain vaheen inaka maarksavaadita mein naveeneekaran hai . is prakaar maarks ke raajaneetik dharaatal par jo vishisht vaichaarik siddhaant hai va sampoorn srshti ko ek naya aayaam dene hetu sada se vishisht rahe hain aur aage bhee rahenge.