HINDI SAHITYA MEIN VIKLANG SANVEDANA : AADHUNIK PARIPREKSHYA

aadhunik hindee saahity ne samaaj ke yathaarth ko keval baahy ghatanaon ke roop mein nahin, balki maanaveey sanvedana, naitik chetana aur saamaajik uttaradaayitv ke saath prastut karane kee pravrtti ko sudrdh kiya hai. is kram mein vimarshavaadee chetana ne un vargon aur samudaayon ko saahity ke kendr mein laane ka kaary kiya hai, jinhen lambe samay tak saamaajik, saanskrtik aur saahityik haashiye par rakha gaya. vikalaang sanvedana isee prakaar ka ek mahattvapoorn aur apekshaakrt naveen vimarsh hai. paramparaagat saamaajik drshti mein vikalaangata ko praayah daya, akshamata aur abhishaap ke roop mein dekha gaya, jisake kaaran vikalaang vyakti ko saamaajik garima, aatmasammaan aur samaan avasaron se vanchit rahana pada. aadhunik hindee saahity ne is roodh drshtikon ko chunautee dee hai aur vikalaangata ko ek maanaveey sthiti ke roop mein sveekaar karate hue use saamaajik sanrachana, samaan adhikaar aur samaaveshita ke prashn se jod diya hai. yah shodh aalekh hindee saahity mein vikalaang sanvedana kee avadhaarana, usake vikaas aur aadhunik sandarbhon mein usake svaroop ka vishleshan prastut karata hai. isamen yah pratipaadit kiya gaya hai ki vikalaang sanvedana keval shaareerik akshamata ke chitran tak seemit nahin hai, balki yah saamaajik bhedabhaav, maanasik peeda, aarthik vanchana, samaan adhikaaron kee chetana aur aatmasammaan kee sthaapana se gaharaee se judee huee hai. aadhunik hindee saahity mein vikalaang paatron ka yathaarthavaadee aur sanvedanasheel chitran samaaj mein maanaveey garima aur samaaveshee drshtikon ke nirmaan mein mahattvapoorn bhoomika nibhaata hai.