PRACHIN BHARTIYA SHIKSHA PADDHATI KE VARTMAN MEIN BHUMIKA

rshiyon-maharshiyon kee param pavitr tapasthalee bhaarat bhoomi par sadaiv sant-mahaatmaon, mahaayogiyon, dharmaachaaryon, mahaapurushon ka avataran hota raha hai. yahaan dharm par aadhaarit shiksha bhaarateey jeevan ka aavashyak ang evan sanskrti kee aadhaarashila rahee hai. dhaarmik shiksha se logon mein achchhe sanskaar utpann hote rahe hain aur sanskrti hamaaree chetana ko parishkrt karatee rahee hai. isase hamaare aachaar-vichaar va vyavahaar bhee parishkrt hote rahe hain. praacheen dhaarmik shiksha mein dharmaacharanon, varnaashramon, sanskaaron, saamaajik, saanskrtik vaibhavon, paravarteeyug, raashtreey charitr, paarasparik sanvedanaon evan sthaapit naitik aadarshon ke lie bhee paryaapt sthaan raha hai. usake mahatv ko is roop mein maana gaya hai ki usaka uddeshy tatkaaleen samaaj evan paristhitiyon mein charitr nirmaan, dhaarmik uddeshyon kee poorti, saanskrtik moolyon ka sanrakshan aur sanvardhan, vyaavahaarik saamaajik grhasth jeevan ke uddeshyon kee poorti evan bhaavee peedhee ke navanirmaan mein nihit raha hai. praacheen shiksha ka sabase mahatvapoorn uddeshy tha, chhaatron mein daiveegunon va kartavyaparaayanata ka vikaas. hamaare mahaapurushon kee prerana se bhaarateey sanskrti ke mool sanskaaron se sampann brahmacharyavratee snaatak aur vidyaarthiyon ne mahaamaanav hone kee pratishtha praapt kee aur apane gyaan jyoti se vishv ko aalokit kiya. vaastav mein shiksha gyaan ke prachaar-prasaar ka ek maadhyam hai aur isaka uddeshy ek peedhee se doosaree peedhee tak jeevan ke sabhee moolyon ko pahunchaane tatha bhaavee peedhee ko aane vaalee chunautiyon ka saamana karane ke lie taiyaar karana hai. bhaarat ke sunahare bhavishy ke karnadhaar hamaaree pushpavaatika ke navodit komal kusum tarunon ke kandhon par hee parampara pradatt, dharm darshan, sanskrti tatha saahas, shaury evan paraakram se paripoorn amooly vaibhav evan tadanuroop aacharan ka gambheer daayitv hai aur yah praacheen shiksha ke aadarshon par hee sambhav ho sakega.